Կարգավորող հրահանգներում և փաստաթղթերում օգտագործվող պաշտոնական՝ «խոշորածավալ կամ ծանրաքաշ բեռ» ձևակերպման փոխարեն մասնագիտական դաշտում՝ լոգիստների և տրանսպորտային ընկերությունների կողմից առավել հաճախ օգտագործվում է «արտաչափային բեռ» բնորոշումը: Այլ խոսքերով, արտաչափը բեռի այն չափն է, որը հնարավոր չէ տեղավորել ստանդարտ տրանսպորտային միջոցի մեջ: Արտաչափային բեռների շարքին են դասվում հիմնականում շինարարական տեխնիկան, սարքավորումները, հզորությունները և այլն:

Եթե Ձեզ անհրաժեշտ է իրականացնել նմանատիպ բեռի միջազգային փոխադրում, ապա Դուք ճիշտ հասցեով եք դիմել, մեր սակագները ամենացածրն են տարածաշրջանում, իսկ «Ուրարտու Տրանս» ընկերությունը պատրաստ է տրամադրել իր ծառայություններն ու օժանդակել Ձեզ համար ամենահարմար գներով՝ երաշխավորելով որակ, ժամանակին առաքում և բեռի պահպանություն:

Ընկերության կողմից արտաչափային բեռների միջազգային փոխադրման հետ կապված ծառայությունների շրջանակն ընդգրկում է խորհրդատվությունը, փոխադրման և առաքման փաստաթղթերի ձևակերպումը, ավտոտրանսպորտային փոխադրամիջոցի վրա տեղակայման և ամրակայման սխեմայի նախապատրաստումը, օպտիմալ երթուղու որոշումը, բեռի ընդունումը ուղարկողից և առաքումը ստացողին՝ համաձայն ներկայացված հայտի, պատվիրատուին արժանահավատ և լիարժեք տեղեկատվության տրամադրումը նրա բեռի գտնվելու վայրի վերաբերյալ երթուղու ամբողջ ընթացքում: