Օգտակար Ինֆորմացիա բեռնափոխադրման մասին

Բեռնատարների տեսակները

Բեռնատար ավտոմեքենաների տեսակների բնութագրերը

Եվրոտենտ

Եվրոտենտերը բեռնատար ավտոմեքենաների կիսակցորդների ամենապրակտիկ և հարմար տեսակն են: Մեքենայի թափքի ունիվերսալ կառուցվածքի շնորհիվ(անհրաժեշտության դեպքում, տենտը, կողքային մասերև և շրջանակը դուրս են գալիս) կարելի է մեքենան բարձել և բեռնաթափել վերևից կամ ներքևից՝ կիրառելով հատուկ վերամբարձ կռունկներ: Եվրոտենտի միջոցով բեռներն տեղափոխելիս հաշվի են առնվում դրանց ձևերի ու չափերի առանձնահատկությունները: Եթե հանենք տենտն ու շրջանակը, ապա բեռնատարը կարելի է օգտագործել որպես բաց տարածք՝ պալետների բարձման համար (կողմերի բարձրությունը 35-50սմ): Ստանդարտների համաձայն նման բեռնատարների մեջ տեղավորվում են 120 սմ երկարություն ունեցող լայնությամբ դրված երկու եվրոպալետներ:

Իզոթերմ և սառցարաններ

Սառցարանային կցորդները բացի արտաքին պատերի ապահով մեկուսացումից ունեն նաև սառեցման սեփական համակարգ՝ ինչի հաշվին բացարձակապես կախված չեն շրջակա միջավայրից: Ըստ էության այս մեքենաներն շարժական սառցախցիկներ են հանդիսանում: Իրենց օգնությամբ մթերքները, որոնք ենթարկվել են խորը սառեցման, կարողանում են առանց որակի կորստի տեղափոխվել զգալի հեռավորությունների վրա:

Բեռնարկղատար

Բարձված բեռնարկղները նավահանգիստներից կամ երկաթուղային կայաններից պատվիրատուին հասցնելն իրականացվում է բեռնարկղատար ավտոմոբիլային կցորդների կամ կիսակցորդների միջոցով: Բեռնակղատարի կիսակցորդի չափերը համապատասխանում են տրանսպորտային բեռնարկղերի ստանդարտ չափերին:Առավել տարածված են 20 և 40 ֆուտանոց բեռնարկղների տեղափոխման համար նախատեսված կցորդները: Բեռնարկղները հաճախ կիրառվում են մեծ չափերի բեռների- «Հայ Քյուբ» տեղափոխման համար: Դրանք տարբերվում են մեծացված բարձրությամբ մոտ 2896մմ ՝2591մմ-ի փոխարեն: «Հայ քյուբերի» մեծամասնության երկարությունը 40 ֆութ է, սակայն հանդիպում են նաև 45 ֆութանոցներ:

Փայտատարներ

Փայտի տեղափոխման համար լայնորեն կիրառվում են փայտատար կիսակցորդները: Դրանք իրենցից կցորդային հարթակ են ներկայացնում, որը նախատեսված է լինում մինչև 23 մ երկարություն ունեցող տարբեր տեսակի փայտանյութերի տեղափոխման համար ցանկացած տեսակի ճանապարհով: Գոյություն ունեն փայտատարների տարբեր տեսակներ: Կիսակցորդների որոշ մոդելներն օժտված են լինում հատուկ գործող կռունկներով, որոնք կիրառվում են շինանյութի բարձման և բեռնաթափան համար: Կան նաև փայտատարների ավելի պարզ մոդելներ, որոնք չեն ունենում բեռնամբարձիչ:

Հատուկ կցորդ

Հատուկ կցորդը դա մասնագիտացված տրանսպորտային միջոց է, որը նախատեսված է տարբեր տեսակի՝ այդ թվում նաև ճանապարհաշինական տեխնիկայի, ծանրաքարշ և ոչ ստանդարտ ու երկար բեռների տեղափոխման համար: Հատուկ կցորդները տարբերվումն են ըստ իրենց բեռնունակության՝ փոքր, միջին և մեծ բեռնունակություն ունեցողներ: Լինում են ցածր շրջանակով ծանր բեռներ տեղափոխող կիսակցորդներ արձակվող հատվածով , ծանր բեռներ տեղափոխող կիսակցորդներ, որոնք հնարավոր է շահագործել էքստրեմալ պայմաններում, ինչպես նաև խողովակատարներ և այլ տեխնիկա տեխափոխող կցորդներ:

Ինքնաթափեր

Շինարարության, գյուղատնտեսական մթերքների, սորուն և այլ տեսակի բեռների տեղափոխման ժամանակ անփոխարինելի են դառնում ինքնաթափերը:

Բեռնատարների տեսակները

Կիսակցորդ

Թափքի ամենատարածված տեսակն է: Պիտանի է բեռների մեծամասնության համար: Ապատենտավորումը թույլ է տալիս կատարել բարձումը վերևից և կողքից: Բեռնունակություն՝ 20-25 տ.. Օգտակար ծավալը՝ 60-92 մ³: Տարողունակությունը 22-33 եվրոպալետ:

Սառցարան

Սառցարան-կիսակցորդ: Պիտանի է շուտ փչացող մթերքների և պահպանման հատուկ՝ +25°С -25°С պայմաններ պահանջող բեռների մեծամասնության բեռնափոխադրման համար: Շահագործման ժամանակ 5-25 %-ով թանկ է մնացած բեռնատար ավտոմեքենաներից: Բեռնունակությունը 12-22 տ.: Օգտակար ծավալը՝ 60-92 մ³. Տարողունակությունը՝ 24-33 եվրոպալետ:

Ավտոգնացք

Իրենից ներկայացնում է ավտոմեքենա+կցորդ: Առավելությունները՝ արագ բարձումն ու բեռնաթափումը և մեծ օգտակար ծավալը: Թերությունները՝ պիտանի չէ երկար բեռների բեռնափոխադրման համար: Բեռնունակություն՝ 16-25 տ.: Օգտակար ծավալը՝ 60-120 մ³: Տարողունակությունը՝ 22-33 եվրոպալետ:

Իզոթերմ (թերմոս)

Նախատեսված է սննդամթերքի տեղափոխման համար: Կարող է երկարատև պահպանել նշված ջերմաստիճանը: Լինում է կիսակցորդ, միայնակ կամ ավտոգնացքի տեսքով: Բեռնունակություն ՝ 3-25 տ: Օգտակար ծավալը՝ 32-92 մ³: Տարողունակությունը 6-33 եվրոպալետ:

Արտաչափային բեռների տեղափոխման հարթակ

Կիրառվում է արտաչափային բեռների տեղափոխման համար՝ այդ թվում և շինարարական ու հատուկ տեխնիկական միջոցների տեղափոխման ժամանակ: Բեռնունակությունը ՝20-40 տ.

Բաց հարթակ

Կիրառվում է եղանակային պայմանների և արտաքին ազդեցությունների հանդեպ կայուն բեռների համար: Կարող է նաև կիրառվել արտաչափային սարքավորումների տեղափոխման համար: Բեռնունակությունը՝ 15-20 տ

«Jumbo»

Մեծ տարողունակություն ունեցող կիսակցորդ է: Այդ ամենը պայմանավորված է հատուկ տեսք ունեցող հատակով և կիսակցորդի ակների տրամագծի փոքրացմամբ: Բեռնունակությունը մինչև 20 տ: Օգտակար ծավալը՝ 96-125 մ³: Տարողունակությունը՝ 33 եվրոպալետ:

Օգտակար

Կարդալ ավելին Երկաթուղային միջազգային հաղորդագության մասին համաձայնագիր	Կարդալ ավելին Ինկոտերմս 2020	Կարդալ ավելին Սակագնային քաղաքականություն 2020	Կարդալ ավելին
Կարդալ ավելին	Կարդալ ավելին	Կարդալ ավելին	Կարդալ ավելին
Կարդալ ավելին	Կարդալ ավելին	Կարդալ ավելին Մաքսային մարմինները ՀՀ-ում	Կարդալ ավելին